Tentabundi – 6 novembre 2023
Stasera, ultima de otobre - Cancantico del tentabundo
Torne a casa col scur, su par le scale con quatro patate lese che à vanžà me pare e an giornàl de osèi.
Fae che? Quel che ocòre.
Me cambie, impiže la fornela, vèrde na bira.
Màgne? Pièghe su majète? Lède Alfred Russel Wallace o Campani?
Intànt scrive a ’n amigo – stalo come to pare?- A Gaza i se copa, domàn l’è quasi serèn.
Risponde a me fìa che l’è ancora drio a laorar.
Se i me sona – dolcetto o scherzetto – ghe crèpe su i òs.
Ma quàtro bus a na žuca podee fargheli, podee fàrghen tante ma no ò fat gnint.
No l’è vera, ò fat quel che dovèe e me par sempre che averie dovest far altro.
Impiže el computer, uno el me à scrit.
Can-cantico del tentabundo tontobundo errante silvestre per l’aia
“Fat à la sciéta, àn pòc pàstrocià, sènža radego…”
Cari amiži,
son qua sòt su sta téra
da Nadál a Sa Stéfi
e dòpo dormir:
stòn bòni.
Senžá ingálužárse
par nìnt de pensièri
žarpidi ala bòna.
Cari amiži,
son qua sòt su sta téra
che an dì Siòr Penáuer
disèa maržumèra:
stòn chièti.
Sènža incanárse
par véci de gièri
pasàdi in malòra.
Cari amiži,
son qua sòt su sta storia
piena de bòria
che và a strangolòn:
stòn scièti.
Senžá intàvanárse
tel còr le broànze
’ncrosárse l žervél.
Cari amiži,
son qua sút sòt sta piòva
domànde me còva
rispònder no so.
Lède, rilède, ma vàrda ti. Proprio lù, che de solito l’è mona, anca lu el à le so resòn.
E mi che so tut, èntro te la cusìna da sol no capìse gnint.
Vàrde fora, quatro stéle co la grinta le sbùsa l’umido.
Pense a me nono col disèa – l’è tut instes – come Lemmy.
E alòra so che ades finìse de imbriagarme e ’ndae tel let.
Doman oi ’ndar su a nasàr le nebie in Agneròla.
E stème tuti come che podè.
Oggi in Agneròla non c’è nebbia.
Nessun odore.
Nuvole alte, cielo color del piombo.
Freddo umido, a tratti folate gelide.
Sulle Pale la prima neve.
Un picchio nero, cincie more, un voletto di lucherini.
Tanti crocieri sugli abeti.
Nessun altro animale.
Nessun cristiano.
Nel bosco molti funghi, quasi tutti vecchi e sfatti.
Quando hai tante domande e nessuno risponde affidati a noi.
Il corpo si frusta, l’anima s’aggiusta.
Resta la fame, la sete, una luce negli occhi.
fedeli ringraziamo
le gambe del tentabundo